睡覺


臻發惡夢, 跟我們睡了大半晚。

早上。

臻:『媽咪, 你好慘呀!』

媽:『點解呢?』

臻:『Daddy 啲鼻鼾聲好嘈呀, 你仲要日日同佢瞓!』

我:『哈哈哈……佢唔係日日都有既!』

臻發惡夢, 半夜走進我們的房間。

他跟我們睡了大半晚。

早上起來。

臻:『媽咪, 我發左個好惡好惡既夢呀…… 我係門口洗車, 你同 Daddy 係屋企, 屋企突然爆炸, 我唔知你哋兩個點, 好驚呀!』

(臻, 你很大壓力嗎?)

臻發惡夢, 走來與我們同睡。

爸:『你哋係到瞓, 我去臻房瞓! 睇吓我幾偉大!』

我:『睇吓你幾自私至真呀! 自己想瞓好啲, 自己走左去唔理我哋!』

臻:『係呀!』

2013-10-14 Book 001

睡前, 臻看故事書。

『故事講述小孩的爸媽被恐龍吃掉, 小孩便跟着姨姨, 過着一些很悲慘生活……』

臻上床後數十分鐘還未入睡。

他哭着走過來。

臻:『嗚…..嗚…….』

我:『做乜事呀?』

臻:『我好驚呀!』

我:『驚乜野呀?』

臻:『我驚你哋會死呀, 剩低我一個……嗚…..嗚……』

因為有特別安排, 臻要跟我們同睡一晚。

我:『臻, 你今晚瞓地下啦!』

臻:『吓? 唔好啦!』

我:『咁唔係邊個瞓呀?』

爸:『咁投票啦!』

我:『好呀! 臻瞓地下既, 舉手!』

只有我一隻手。

爸:『媽咪瞓地下既, 舉手!』

兩隻手, 齊齊舉起!

之後, 歡呼!!

我在書房。

還未入睡的臻突然哭着走出來。

我:『做乜事呀臻? 喊乜呀?』

臻:『嗚嗚……』

我:『唔舒服呀?』

臻:『唔係呀!』

我:『你喊乜呀?』

臻:『我驚你哋死呀!』

我:『唔洗驚! 你唔係信主架咩? 我哋會係天國等架嘛! (其實我唔信, 我係咪去唔到架?)』

臻:『嗚嗚……』

我:『只要每日開開心心, 你又乖乖, 你就唔洗驚邊個死……知唔知呀?』

他安心後, 又上床睡覺了!

(其實, 每日開開心心, 我做到嗎?)

每晚睡前, 我都提醒自己第二朝不要罵臻。

大清早。

我走進臻的房間:『臻臻BB, 起身嘞 …… 返學嘞……』

半夢半醒的臻還在懶床。

火起了!

我:『臻, 仲唔起身, 遲到嘞…….』

爸:『你最溫柔既時候, 佢跟本都聽唔到!』

我:『係喎! 佢都未醒!』

後一頁 »