爸爸


爸真的幾能幹, 家中大大小小的事, 水電傢俱煮食電腦裝修種花養魚…..無一不懂。

他:『唔係好多男人好似我咁, 識整咁多野架! 如果你學到我, 大把女仔鍾意你呀! 要個靚過你阿媽既, 都得呀!』

臻:『咁你又要媽咪?』

他:『媽咪嗰陣時係最靚架嘛! 依家啲人靚左嘛!』

 

廣告

臻:『阿 A 好勁架!』

爸:『阿戊阿壽都話自己打波勁架啦!』

臻:『即係邊個呀?』

我:『某人囉!』

爸:『係廢人呀! 唔係某人呀! 比某人更廢呀!』

臻出生時, 是一個臉圓圓的蘋果。

爸:『圓面, 都唔型得去邊, 全部型仔都係面長長, 圓面既, 只可做 cute, 不過, cute 得幾耐, 大個又唔會 cute!』

不過, 隨着時間的流逝, 家中圓臉的男孩, 漸漸變成爪子瞼; 相反, 聲稱自己型面的男人, 漸漸變成一個圓包。

臻以為自己是『普通話人』—— 我手寫我口!

試舉出日常生活中節約用水的方法:

『洗衣機裝滿衣服才開機』

爸:『你應該寫, 屙完屎唔沖水, 等第二個再屙!』

2014-03-26 Zach 001

爸覺得臻長大了後, 就是這樣子!

媽:『你覺得你會唔會係咁呀?』

臻:『吓?? 唔…… 佢唔夠黑呀!』

2014-01-26 TV 004

爸在教導臻。

爸:『第時唔好對啲女仔咁好呀, 縱壞佢哋, 小綿羊都會變老虎呀!』

臻:『我驚第時我無女仔喎!』

爸:『唔洗驚!! 大把!!』

爸今天不知發生什麼事, 什麼事也不准我做。

爸:『我係咪好專制呀?』

我:『你發生乜野事呀?』

爸:『你以前係一隻小綿羊黎架, 係我對你太好, 縱壞左你, 你放肆, 依家變成一隻老虎! 我要訓練你變返一隻小綿羊!』

臻:『咁你係咪即係做錯左呀?』

爸:『唔係做錯左, 係錯晒呀! 』

後一頁 »