歌/故事


等車時, 沒事做。

臻作了首歌。

原來, 他不懂亞皆老街的『皆』字。

臻講笑話。

臻:『婷姨, 講個笑話你聽吖!』

婷姨:『好呀!』

臻:『有一個警察, 一個消防員, 一個老師, 一個飛機司, 一個媽咪同埋一個小朋友搭飛機, 飛機停左係天空, 但係飛機裹面只有四個降落傘, 警察攞左第一個降落傘, 佢話要去幫人, 之後就跳左出機, 消防員攞左第二個, 佢話要去救火, 老師攞左第三個, 佢話要去教小朋友點做人, 不過, 佢攞錯左小朋友個書包, 跳出機之後……』

婷姨:『哈哈哈……邊個係笑位呀?』

臻:『攞錯左書包係笑位囉!』

婷姨:『好好笑咩?』

臻:『都幾好笑架!』

臻未夠五歲時, 已唱林峰的歌。

Fun n’ Friends 每年都會舉行頒獎禮, 獎勵一些表現好的學生。

今年, 臻被邀請為表演嘉賓。

面對着所有小學生和家長表演, 臻顯得有點緊張, 沒有了笑容。

吸收了這次的經驗, 下次再努力吧!

故事時間。

『沙漠中, 旅人常說見到海市蜃樓……』

媽:『臻, 知唔知乜野係海市蜃樓呀?』

臻:『唔知呀! 金融海嘯就知!』

媽:『哈哈哈! 咁乜野係金融海嘯呀?』

臻:『啲股票大跌咁囉!』

媽:『有乜野股票呀?』

臻:『啲999金咁囉!』

媽:『哈哈哈! 你咁叻既, 你都有留意吓個股市喎!』

臻:『係股票呀!』

媽:『媽咪六歲既時候, 都未知乜野係沙漠呀!』

故事時間。

『鯊魚出現在地球上超過四億年以上……保持著古老的樣子……幾乎不必有什麼改變或進化……可以說是『活化石』。』

媽:『臻, 乜野係進化呀?』

臻很明白的樣子:『進化即係:亞古獸 進化成 暴龍獸 !  拉拉獸 進化成 向日葵獸,  向日葵獸 進化成 丁香獸!!』

玩卡, 都不是完全沒用的!

臻練琴時, 爸要求臻替他練歌。

臻:『點練呀?』

爸:『你彈一個音, 我唱啦!』

臻按着琴鍵:『 do!』

爸唱:『 do!』

臻再按琴鍵:『 do!』

爸再唱:『 do!』

臻又再按琴鍵:『do!』

爸又唱:『do!』

如是者, 『do』 了十數次!

臻再換不同的樂器聲音(臻的琴是電子琴), 再不停的 『do do do do do do do do do do do …… 』!

爸又很乖的不斷在 『do do do do do do do do do do do do do do …… 』!

我在廚房偷笑!

爸終於忍不住了!

爸:『可唔可以練第二個音呀!』

後一頁 »