動物


臻:『媽咪, 如果我係一隻螞蟻, 我就黎會死架嘞!』

我:『點解呀?』

臻:『啱啱睇左篇文, 螞蟻都係大約十歲命架咋!』

我:『係咩? 原來螞蟻都咁長命! 』

( 佢咁易死都有十年命, 做螞蟻都幾辛苦喎!)

廣告

我和臻步行回家。

前面的狗突然停下來, 我們也停下來。

牠搖搖臀部, 小便!

嚇得我彈開來!

我:『臻, 咦———————–! 』

臻:『好得意呀!』

我:『唔係嘛! 屙尿都得意?』

臻:『佢 Pat Pat 搖吓搖吓, 好得意呀!』

我:『吓??』

我們又討論養狗的問題。

臻:『媽咪, 好想養狗呀!』

我:『你唔同我住時, 你至養啦!』

臻:『咁我搬啦!』

我:『以前又話同我一齊住, 依家就話搬!』

臻:『你唔俾我搬去你隔離架咩!』

我:『你養隻狗, 成日困佢係屋企, 你返學邊個睇呀?』

臻:『帶佢去舖頭, 等佢跑跑跳跳囉!』

我:『你係到跑跑跳跳, 已經阻住我做野喎! 仲整多隻狗係到跑跑跳跳??』

臻:『你控制到我, 即係可以控制隻狗啦!』

我:『我都控制唔到你呢! 如果要控制多一隻狗, 不如生多個!』

臻:『好呀! 好呀! 生多個!』

從沒想過, 螞蟻會在廁所的洗手盆出現。

臻成熟了, 不像小時般, 對待牠們

媽:『點解廁所都會有螞蟻, 呢到有乜野食呀?』

臻:『唔好整死佢哋呀! 佢哋都係生命黎架!』

媽:『吓? 要養佢哋?』

爸:『佢哋口渴嘛!』

媽:『吓?』

臻很喜歡小動物。

臻很渴望養狗。

臻知我不喜歡養狗。

臻知我很愛他。

他問:『媽咪, 如果我係狗, 你養唔養我呀?』

我沒預計臻會考我這些問題, 我停了三秒。

我笑:『養!!』

之後, 我認真的想, 如果臻真的變了一隻狗, 我相信我會變成一個愛狗的人。

臻很喜歡小動物, 很想養寵物。

我很不喜歡小動物, 很不想養寵物。

我:『臻, 識郁, 身體又暖既, 除左人之外, 其他我係唔鍾意架!』

臻:『養隻狗或者兔仔啦!』

我:『第時你大個唔同我住既時候就養啦!』

臻:『我第時只會鍾意 『鍾意動物既女仔』。』

我:『如果佢唔靚, 你鍾唔鍾意佢呢?』

臻:『鍾意!』

我:『如果佢好似花師拉咁樣, 不過佢又好鍾意動物, 咁你鍾唔鍾意呢?』

臻有點猶豫:『呀……. 鍾意!』

我:『如果, 阿 A (他最鍾意既女同學) 唔鍾意動物, 你會唔會唔鍾意佢呀?』

臻:『呀……. 會!』

我:『吓?? 點解呀?』

臻:『因為我好鍾意動物, 我想養呀!』

我不喜歡動物, 但臻卻喜愛非常。

我們看見這對貓, 都覺得牠們很恩愛。

有點羨慕!

 

後一頁 »