家長面試練習

近期的星期六日, 臻也忙於小一入學面試, 他也入選了好幾間學校的第二輪面試。

第二輪面試是要見家長的, 當家長的也要做好準備。

媽：『Daddy, 不如我哋分工先啦! 我就負責『教』臻既, 你就負責『同佢玩』既!』

爸：『好!』

之後爸扮一副正經的樣子：『我呢, 就成日返大陸既…..』

媽：『唔可以話成日返大陸呀!』

爸：『我有時都要返大陸既, 不過, 我都盡量返屋企食飯! 因為, 我覺得食飯時間係同個仔最好既親子時間….. (這個是事實!)』

坐在旁的臻掩着咀在笑!

我們望着他!

媽：『臻, 你笑乜野呢? 你覺得 Daddy 講大話定係未見過 Daddy 咁認真講野呀?』

臻：『 Daddy, 你講得唔好呀! 再講過! Take Two!!』

大件事! 若果我們很認真時, 臻在笑, 學校會認為我們在說謊!

 

爸爸的樣子

爸爸的樣子很易畫, 臻已可以畫得七成的模樣。

臻做功課, 他畫爸, 在下巴加了些鬚。

臻：『加左啲鬚成個阿叔咁! 都係擦左佢嘞!』

 

爸媽吵架

媽在廁所, 有一姨姨致電臻, 跟他閒談。

姨姨：『……Daddy  媽咪有無鬧交架?』

臻：『有架! 佢哋成日好大聲鬧交架?』

姨姨：『佢哋鬧乜野架呢?』

臻：『佢又鬧吓佢, 佢又鬧吓佢咁囉!』

姨姨：『咁你點呀! 你有無叫佢哋唔好鬧交呢?』

臻：『我叫佢哋分手囉!』

(我哋唔係鬧交! 我哋係玩緊鬧交既方式去講野! 臻誤會左! )

 

睡前的吻

媽叫臻入房睡覺。

臻不聽媽的說話, 卻跳到正在打機的爸身上。

爸覺得臻搔擾他, 他大聲的呼喝臻, 叫臻離開。

臻沒味的跳落地, 偏着咀行到媽身旁。

媽很溫柔：『返入去瞓覺啦, 臻! Goodnight !』

臻對着媽笑, 吻了媽的臉!

然後黑着面, 轉身望着那個呼喝人的人：『我唔錫你呀, 你鬧我!』

跟着便走入房間睡覺!

我們在大笑!

 

香港先生選舉

電視箱宣傳『香港先生選舉』。

媽：『臻, 你識邊個可以參加香港先生呢?』

臻在想。

媽：『舅父得唔得呢?』

臻：『唔得!』

媽：『吓? 點解呢? 咁舅父有幾多粒星靚呢? (五粒滿分)』

臻：『四粒!』

媽：『咁 Daddy 得唔得呢? 』

臻：『梗係唔得啦! 咁肥!』

媽：『哈哈哈! Daddy 有幾多粒星呢?』

臻：『兩粒!』

媽：『咁表舅父呢?』

臻：『唔得!』

媽：『又唔得? 咁表舅父有幾多粒星呢?』

臻：『三粒!』

媽：『咁公公得唔得呢?』

臻：『唔得! 佢咁老!』

媽：『咁你得唔得呢?』

臻：『唔得! 我太 BB 嘞!』

| View Show | Create Your Own

 

猜謎語(謎底)

臻面上的紅印, 一日後才消失!

可憐!

臻是被一個自稱跟他玩的人咬的!

太狠心了!

 

猜謎語(謎面)

謎面：臻臉上的紅印, 是怎樣得來的?

 

睡前的承諾

每晚臨睡前的一刻, 臻也會在房內大叫。

臻：『Daddy, 你記住要同我瞓喎!』

在廳的爸：『好呀! 你瞓先吖!』

有一日, 媽忍不住問臻：『臻, 你日日都叫Daddy 同你瞓, 咁你知唔知 Daddy 有無同你瞓架?』

臻笑。

媽：『即係有無呢?』

臻：『無!』

媽：『咁你晚晚都叫, 又唔問 Daddy  點解!! 都唔明你哋兩個架!』

 

我們這一家

| View Show | Create Your Own

 

父親節快樂

| View Show | Create Your Own