認字——『投標』

商場裹有個模型展, 媽沒什興趣, 到了另一間商舖逛逛。

臻拿着張紙, 拉我回去。

臻：『媽咪, 我想投票呀!』

媽看看那張紙, 每個模型也有價錢。

臻再指着『投票箱』。

臻：『媽咪, 寫完之後放入去就得架嘞!』

 

烏鴉反哺

故事時間。

『烏鴉媽媽生下三顆蛋……烏鴉爸爸和媽媽每天都不停地輪流捉些小蟲給小烏鴉吃……烏鴉長大了, 烏鴉爸爸和媽媽也都老得飛不動了……小烏鴉們每天都會飛回家餵爸爸和媽媽吃小蟲以報答牠們養育之恩。』

媽：『臻, 第時 Daddy 媽咪老左, 你會唔會餵啲蟲俾我哋食呢?』

臻：『唔會!』

媽：『咁餵啲乜野俾我哋食呀?』

臻：『飯囉!』

*                                  *                                    *

媽和臻出外晚膳。

媽：『臻, 你有無諗過, 點降你出街食野 Daddy 媽咪要幫你俾錢呢?』

臻想了一會, 不懂作答：『無諗過呀!』

媽：『我哋生你出黎, 就有責任去養你, 同埋教你做一個有用既人!』

臻：『啊!』

媽：『咁第時, 你大個左, 你應該做啲乜野對我哋呢?』

臻：『請返你食幾餐飯啦!』

 

功課——『重陽節』

解畫：

重陽節, 臻去掃墓。

那裡有三個墳墓, 每個都有先人的相片。

臻帶物品去拜祭, 當中有香蕉。

臻很誠心的向先人鞠躬。

 

功課——『雞』

臻的畫功不是很好, 但媽很喜歡臻的畫。

婷姨看見這幅畫：『咦! 鸚鵡黎架?』

的確是有點似鸚鵡, 但生了四隻蛋, 很辛苦了, 還要什麼! 很可愛了!

此外, 小朋友要作句子, 第一句是抄例句, 第二句是作的。

媽要求臻自己作, 不要抄寫功課薄裹的其他例句。

臻自己作了一句!

媽覺得他做得不錯!

 

公共圖書館

友人告訴我, 『一個可樂臻』可在公共圖書館借閲。

很高興!

因為, 雖然書賣得不好, 但可留在公共圖書館長存。

 

十月十日『一人一信』免費投寄日

十月十日是『一人一信』免費投寄日, 媽寄了一封信給臻。

臻打開信箱, 看見寄給自己的信, 很興奮, 急不及待打開信件。

讀了一遍後, 左手一揮, 飛到沙發上。

就是這樣, 完了!

 

寫大字

臻想寫毛筆字。

媽說乖才可以寫。

他好像在畫畫!

 

上天的安排

媽替臻報了好幾間直資小學, 入學面試已開始了。

媽向臻講解什麼是面試。

媽：『臻, Interview 時要笑、有禮貌、講野要望住人、有反應, 咁就得架嘞! 知唔知呀? 』

臻：『知道!』

媽：『每間學校要既小朋友都唔同! 佢唔揀你, 又唔代表你唔好,  唔洗唔開心! 知唔知呀? 』

臻：『知道!』

媽：『你讀邊間學校都係一種緣份, 整定既!』

臻：『乜野係整定呀?』

媽：『個天安排左你讀邊間就讀邊間咁囉! 其實讀邊間都無所謂既, 都一定學到野! 』

臻：『係咪即係個神安排左, 之後佢就同啲老師講, 叫佢哋收邊個小朋友就收邊個小朋友咁呀?』

媽：『哈哈哈! 唔……』

 

大件事

臻做中文功課。

寫字後, 臻要畫一幅關於該詞語的畫。

媽在欣賞臻的畫。

媽：『有個月月既月亮喎! 又有好多燈籠, 好多人, 好開心喎! 咁多人, 有無我哋係到架?』

臻：『有!』

媽再向右下牛角看：『咦! 呢到燒緊野食呀?』

臻：『唔係呀! 打緊麻雀呀!』

 

CARAN d’ACHE 顏色

| View Show | Create Your Own

好貴!

不過好玩!

小姐話一年加四次價!

我覺得比起『金』還要保值!