榴槤樹

我們有時會步行上學。

一日，臻發現了那棵路邊的樹，樹幹長滿很多刺的。

臻：『媽咪，呢棵係咪榴槤仙人掌樹呀？』

臻的想像力也頗豐富。

 

 

乞丐

我們在街上看見一個乞丐（婆婆），她坐在地上，面前放着一頂帽子（有些零錢在內），不停叩拜。

媽：『臻，你知唔知個個婆婆做緊乜呀？』

臻：『佢係到拜神囉！』

媽：『係咩！咁點解頂帽到有錢既？』

臻：『啲人俾錢佢，跟住佢就會搭飛機去好遠既地方，俾啲錢啲小朋友囉！』

臻覺得她在籌款，好像賣旗一樣！

其實，媽對着這婆婆，都不曉得怎樣解釋這『乞丐』的行為！

 

上身

你覺得臻在做什麼？

臻好像有什麼上了身似的，或者，他在驅邪驅鬼．．．

臻十分專心，眼裹只有他心中的邪魔毒獸，走足全場，邊走邊打，邊打邊滾地，投入程度，絕不遜色於任何一個影帝，下一屆的獎，應到他拿了！

臻在做什麼？

『獅子星神』（超人）變身也！

 

忍尿，進步了！

臻忍尿的能力高了，比前進步了！

一日，外出晚膳；半路上，臻突然急起來，媽叫他忍，到餐廳才去廁所。

在Lift裹，媽鼓勵臻要繼續忍。

媽：『臻，就到嘞！忍住呀！我哋去到（餐廳）就去廁所先嘞！』

臻：『好呀！』

之後，臻幻想，扮餐廳侍應問自己：『細路，係咪要屙尿呀？』

臻自答：『係呀！可唔可以呀？』

侍應：『可以！』

激死！

 

妄想症

臻會自己玩耍，他會跟玩具對話（一人飾演幾個身份）。

出街前，臻在家踢球；離開前他會跟足球道別。

臻：『我依家出家嘞！返離再踢你吖！好唔好呀?』

足球：『好吖！好吖！』

自己踢球跌倒時，他會說有人拉他的衫，或者有人『產』他的球。

對着車子時，臻會扮頒獎、跟他們講故事。

臻：『邊個想聽故事？』

車子們，你一句，我一句：『我！我！我！．．．』

臻：『好！咁你哋要乖啲，知唔知道？』

車子們齊聲說：『知道！知道！．．．』

臻：『大聲啲！聽唔到！』

車子們大聲回答：『知道！』

孖寶兄弟賽車（其實是他自己不同的車仔）比賽後，頒獎禮時，臻會邀請觀眾。

臻問車們：『邊個想做觀眾？』

車們：『我！我！我！．．．』

臻：『好！依家頒獎嘞！』

臻拿着其中一個心愛的車：『你第一名呀！』

之後好像孖寶兄弟一樣，在床上巡遊；

口裹還啍着首勝利歌：『鄧鄧，鄧鄧，鄧鄧登．．．．．．』

臻爸駕駛車，在紅燈停下來時，臻會邀請旁邊的車輛比賽。

臻望着車的司機（那司機當然聽不到臻說話，因為窗是關上的）：『同你一齊比賽吖？』

司機：『好吖！好吖！』

臻：『預備．．．一二三，開始！』

 

利物浦對車路士

一日，臻穿了利物浦的球衣和媽在平台公園踢球，媽做守門員，臻付責進攻。

臻有時射十二碼，有時開角球，有時插花，有時倒掛，有時『產』波，什麼招數也有。

有一次，他突然跌倒，『扑』在地上，他說：『車路士拉我件衫跌倒呀！』

企起身後，他繼續說：『佢已經紅牌，趕左出場嘞！』

媽心諗，又上身！

最後賽果，臻說：『利物浦對車路士：２０比０！利物浦贏左！』

 

小球迷上身

臻很喜歡足球，自他十三個月大已開始踢足球，但他近期才真正開始看波；他每次都很投入，很緊張，跟大人看波一樣，會叫，會為球隊打氣，他喜歡的球隊輸了，他會很失望；他會記得那些出名的球員受傷，要休息多久。

一次，媽和臻到平台公園踢足球；他突然『產』波跌倒，

臻說：『媽咪，我受傷呀！扭親隻腳呀！』

媽：『咁點算好呀？洗唔洗睇醫生呀？』

臻：『唔洗！我返屋企休息一個月就無事架嘞！』

媽：『吓？咁耐？』

 

賊兔

臻在房看影碟。

經過他房時, 聽到一些怪聲, 門一推, 看見他拿着一個影碟盒,敲打電視機。

媽問：『你在做什麼?』

臻答：『我不喜歡這隻黃色和白色的兔子!』

媽問：『為什麼呢?』

臻答：『因為牠偷東西!』

 

不會飛

一早上, 臻對着一玩具車吃早餐。

臻問：『你吃嗎?』

車點頭。

他說：『好!我幫你畫個咀,你便可以吃早餐了!』

一晚上, 臻望着天空。

臻說：『有月亮呀!』

媽問：『有沒有跟它打招呼呀?』

臻答：『它沒有咀的!』

媽問：『你可否畫個咀給它呢?』

臻答：『我不會飛!』